Use full screen for better viewing.
İstanbul Valiliği Gülhane kapısının kitabesi (Bâb-ı Âlî Alay Köşkü Kapısı)
Date
Authors
Journal Title
Journal ISSN
Volume Title
Publisher
Abstract
Description
Text on the inscription:
"Vâzıʽ-ı üss-i kavânin-i nizâm-ı mülk-i din
Hazret-i Abdülmecîd Han zıll-i Rabb-i Müsteʽan
Saltanat bünyânının olmuş imâdı himmeti
Olmada tâk-ı bülend-i mecdi reşk-i âsumân
Ol kadar muhkem ki divân-ı metîn-i şevketi
İnhirâf itmez görürsün haşr olunca ins ü cân
Ol şehinşâh-ı müceddid-menkabetdir şüphesiz
Hâmi-i aktâb ü evtâd-ı cihan sâhib-zamân
Eyleyip miʽmâr-ı iʽmâr-ı memâlik adlini
Köhne dünyâya yeniden verdi zînet bî-gümân
Kârgir itse n’ola ol şâh binâ-yı mülkünü
Dâd-gerlikde salâbet gösterir bak her zamân
Çend sâl akdem kazâ-yı âsümânîden gece
İhtirâk itdi bu dâr-ı âsefi çün ahterân
Bir zamân kaldı dil-i virâne-i âşık gibi
Göricek kıldı terahhüm hâline şâh-ı cihân
Yanmamak üzre binâsı kârgir olsun deyü
Eyleyüp fermân kıldı dehre ihsânın beyân
Yapdı bâb-ı âsefin evvelkiden aʽlâ metîn
Eyledi bu bâbda lütf ol Süleymân-ı zamân
Sâye-i şâhânesinde öyle maʽmûr oldu kim
Zînet-i bünyânına reşk itmede kasr-ı cinân
Ahdine mahsûs ancak böyle zîbende binâ
Misli yok bir şâh-ı zî-şân olduğu günden ayân
Haşre dek Hak ber-karâr itsün binâ-yı şevketin
Zâtı olsun iftihâr-ı millet-i İslâmiyân
İki târîh-i güher pirâyesin Zîver kulu
Tâk-ı bâb üzre duʽâ-yı hayr edip kılsın nişân
“Şevket ü ömr-i füzûn-ter vere Bârî dâimâ”
“Etdi bâb-ı âlîyi âbâd hâkân-ı cihân”
H. 1259 / M. 1843-44"
(https://www.fatih.bel.tr/webfiles/userfiles/files/icerikler/c7626fff7e9d4f44bc6a8e1cdd0d767a.pdf)
Keywords
Sublime Porte-Istanbul, Sublime Porte-Inscriptions, İstanbul Governorship (Fatih)-İstanbul, İstanbul Governorship-Gulhane Gate-Inscription, İstanbul Governorship-Gulhane Gate, Bâb-ı Âlî-İstanbul, Inscriptions-İstanbul