Use full screen for better viewing.
Galata Mevlevihanesi'ndeki Hasan Ağa Çeşmesi ve kitabeleri
Tarih
Yazarlar
Süreli Yayın başlığı
Süreli Yayın ISSN
Cilt Başlığı
Yayınevi
Özet
Açıklama
Texts on the inscriptions:
Construction inscription
Sırr-ı Mevlānā-yı Rūm ʿĀdem Efendi kim odur
Ḫānḳāh-ı Mevlevī’de mürşid-i ṣāḥib-reşād
Tekyesinde var idi ṣuya kemāl-i iḥtiyāc
Himmet ile ḳıldı dervīşānı memnūn-ı murād
Sevḳ idüp bir sā’ī-i ḫayrāt ü ṣāḥib-ḳudrete
Eyledi bu çeşmeyi bünyād ol merd-i cevād
Ḥāliyā Maṭbaḫ Emīni ol kerīmüʾş-şān kim
Meşreb u ḫulḳı ḥasen aġa-yi ḫāliṣ-iʿtiḳād
Yapdı böyle ʿayn-ı dil-cū eyleyüp mālın sebīl
İtseler nāmın revādur ḥaşre dek ḫayr ile yād
Kevs̱er-i cennet gibi oldı muṣaffā ḥaḳ bu kim
Kaʿbe-i ʿuşşāḳda bu çeşme-i zemzem-nijād
Ḥabbeẕā āb-ı ḥayāt-efzā ki her bir ḳaṭresi
Teşnegān-ı ʿāleme o idi ṣafā-baḫş-ı fuʿād
Böyle ḫayruŋ ecrini taḥrīre imkān olmaya
Olsa ger eşcār-ı ʿālem ḫāme deryālar midād
Āb gibi dāʾimā ṭabʿı keder-yāb olmayup
ʿÖmrüni ide ṣafālara Cenāb-ı Ḥaḳḳ ziyād
Ey Nis̱ārī teşneler bu çeşmeye tārīḫ içün
Didiler ʿayn-ı Ḥasan rūḥ-ı Ḥüseyn’i ḳıldı şād
[10]59
(http://www.ottomaninscriptions.com/verse.aspx?ref=list&bid=1107&hid=1288)
Renovation inscription
Fāʾiżüʾl-ʿayn-ı ʿināyet menbaʿüʾl-enhār-ı cūd
Āb-rū-yı maʿdelet şāh-ı cihān ʿAbdülmecīd
ʿĀlemi feyż-i zülāl-i ʿadl ile iḥyā eder
Olalı māʾüʾl-ḥayāt-ı şevketi her ān mezīd
Maṭbaḫ Emīni Ḥasan Aġa yapıp bu çeşmeyi
İki yüz sāl aḳdem etmişdi bu cāyı müstefīd
Ṣoŋra rāhı bozulup aḳmazdı ṣu bu vaḳte dek
Ḫayr-ı cārī ṣāḥibin eylerdi dervīşān ümīd
Ḥamdülillāh ol şehenşāh-ı cihān bu çeşmeniŋ
Luṭf edip ṣuyun aḳıtdı oldu nev feyż-i bedīd
Eylesin Ḥaḳ tā ebed sīrāb-ı feyż-i salṭanat
Ḥaşra dek olsun o ḫāḳān vāṣıl-ı ʿömr-i medīd
İki tārīḫ-i güher-fer buldu Zīver ṣuyunu
Olalı baḥr-i remelde ẕerre-i naẓm-ı ferīd
Baḳ Ḥasan Aġa’yı reyyān eyledi icrāyla cūd
Çeşmesine ṣu aḳıtdı luṭf-ı Şeh ʿAbdülmecīd
1268
(http://www.ottomaninscriptions.com/verse.aspx?ref=list&bid=1107&hid=4494)