Use full screen for better viewing.
Galata Mevlevihanesi (Kulekapı Mevlevihanesi) giriş kapısının iç yüzündeki kitabe
Dosyalar
Tarih
Yazarlar
Süreli Yayın başlığı
Süreli Yayın ISSN
Cilt Başlığı
Yayınevi
Özet
Açıklama
Text on the inscription:
Mihr-i ‘ālem-tāb-ı evc-i salṭanāt
Dāver-i devr-i zamān Sulṭān Selīm
Kahramān-ı dīv-bend-i rūzgār
Cem-ḥaşem İskender-i Dārā-kecīm
Kim anıŋ ẕāt-ı bülendidir henüz
Merkez-i pergār-ı çarḫ-ı müstaḳīm
Rükn-i re’yidir esās-ı ma‘delet
Fikr-i nev-īcādıdır ‘arş-ı ḳavīm
Muntaẓırdı ehl-i dil teşrīfine
Geldi dīn ü devlete hem-çün nesīm
Ḥaḳ budur bulmuşdu erkānı ḫalel
Eyledi tanẓīmine sa‘y-i ‘azīm
Habbeẕā ervāḥ-ı ehlu’llāhtan
Oldu te’yīd-i İlāhī müstedīm
Başlayıp tecdīd-i ‘adl ü re’fete
Ḳoydu re’y-i ḫāṣı bünyād-ı ḳavīm
Ḥażret-i Monlā-yı Rūm’a ḥürmeten
Ḳıldı dervīşāna iḥsān-ı ‘amīm
Gördü kim bu ḫānekāh olmuş ḫarāb
Müsta‘id iḥyāya çün ‘azm-i remīm
Luṭf edip bir yapdı kim yapsın anıŋ
Ḳāḫ-ı āmāliŋ Ḫudāvend-i ‘alīm
Bāġ-ı firdevs-i berīnveş bī-ḳuṣūr
Oldu Ḥaḳḳā saḳfı zer dīvārı sīm
Bir naẓarda etdi ol kān-ı kerem
Sengi gevher topraġı ‘anber-şemīm
Gösterip gūyā kerāmet ‘āleme
Ḳudret iẓhār etdi ol şāh-ı kerīm
Andan alsın feyżin erbāb-ı sülūk
Ḳalmasın nāḳıṣlarıŋ eṭvārı nīm
Ẓāhir u baṭında şāh oldur hemān
Ber-devām etsin aŋı Rabbü’r-Raḥīm
Lafẓān u ma‘nen dedi tārīḫini
Şeyḫ Ġālib ‘abd-i dā‘ī-i ḳadīm
Yapdı bu dergāhı pāk ve hem cedīd
Biŋ iki yüz altıda Sulṭān Selīm
(http://www.ottomaninscriptions.com/verse.aspx?ref=list&bid=1494&hid=1925)